Тэнүүн цэг компани нь 2007 онд үүсгэн байгуулагдсан электроник мэдээллийн  технологи, тэр дундаа сургалтын техник хэрэгслийн худалдаа, үйлчилгээ чиглэлээр үйл ажиллагаа явуулдаг анхны компани юм.
Манай компани зөвхөн компьютерийн лаборатори нийлүүлдэг биш бүх төрлийн дадлагын газруудыг нийлүүлэхээр зорьж ажиллан сүүлийн дөрвөн жилд 24 төрлийн 47 ш байгууллагын болон сургалтын техник хэрэгсэл, лаборатори, дадлагын газрууд, дагалдах хэрэгсэл, ашиглагдах материалуудын иж бүрдэлийг нийлүүлэн засвар үйлчилгээг нь ханган ажиллаж байна.
Мөн програм хангамжийн чиглэлээр электрон хичээл, цахим сургалтын материалууд (6 мэргэжлийн), сургалтын байгууллагуудад шаардлагатай програмыг (МСҮТ-ийн багшийн сургалтын ажлын багц цаг тооцох програм) програмчилан нэвтрүүлсэн.
Бид бүхэн тухайн байгууллага хэрэглэгчид чанарын хувьд ч, үнийн хувьд ч хамгийн тохиромжтой бүтээгдэхүүнийг сонгож нийлүүлэхийг зорилгоо болгон ажиллаж өнөөдөр сургалтын техник хэрэгсэл нийлүүлэгч нэр хүндтэй компани болтлоо өргөжин хөгжжээ.
Манай компаний давуу тал нь:
1.    Мэргэжилтнүүд:

•  Монгол улсад электроникийн чиглэлийн техник хэрэгсэл зохион бүтээж нэвтрүүлсэн туршлагатай, чадварлаг инженер зохион бүтээгчид.
•  Боловсролын байгууллагын инженер, мэдээллийн технологийн лабортори дадлагын газар хариуцаж байсан багш нар

2.    Нийлүүлж буй техник хэрэгсэл:

• Бүх шатны сургуулиудын төрөл бүрийн лаборатори, дадлагын газруудын техник хэрэгсэл нийлүүлдэг  монгол улсын цорын ганц компани.
• Дэлхийн хөгжингүй орнуудад ашиглагдаж буй хамгийн сүүлийн үеийн технологи бүхий сургалтын техник хэрэгсэл нийлүүлдэг.
• Нарийн бүтэцтэй электрон төхөөрөмжүүдийн эвдрэл гэмтлийг оношилж сэлбэг хэрэгслийг захиалгаар нийлүүлж, угсарч ажиллуулдаг.